Ընդհանուր առմամբ, ՄԱԿ-ի անվտանգության խորհրդի ծանրակշիռ անդամները կոչերով են հանդես եկել, որպեսզի անհապաղ բացվի Լաչինի միջանցքը։ Այս մասին լրագրողների հետ ճեպազրույցում ասաց ԱԺ նախագահի տեղակալ Հակոբ Արշակյանը։
«Սա շատ կարևոր է, որը տարված ծավալուն աշխատանքի հետևանք է, և մենք ամեն ինչ անելու ենք, որպեսզի մեր եղբայրները և քույրերը հնարավորինս շուտ այդ միջանցքով երևեկեն և բեռների փոխադրման իրավունքը վերականգնվի»,-ասաց Արշակյանը։
Լրագրողի այն հարցին, թե կա՞ն գործուն մեխանիզմներ Ադրբեջանին զսպող, բացի կոչերը, Արշակյանը պատասխանեց՝ կա նաև բանաձևերի ընդունման հնարավորություն, տարբեր տեսակի քաղաքական մեխանիզմներ, որոնցով էլ պետք է առաջնորդվեն։
Հիշեցնենք, որ արդեն 10 օր է ադրբեջանցիները փակել են Լաչինի միջանցքը, որն արտաքին աշխարհի հետ կապող միակ ճանապարհն է՝ այս կերպ երկիրը կանգնեցնելով հումանիտար աղետի շեմին։