Ինչպես արդեն հայտնել ենք, այսօր մայրաքաղաքում և մի շարք մարզերում խաղաղ անհնազանդության ակցիաներ ու իրազեկման երթեր էին անցկացվում՝ ընդդեմ իշխանությունների։ Ակցիաների մասնակիցները մի շարք փողոցներ էին փակել՝ կաթվածահար անելով երթևեկությունը։ Մասնակիցներից մի քանի հարյուր մարդ օրվա ընթացքում բերվել է ոստիկանության տարբեր բաժանմունքներ։

MediaHub.am-ին ոստիկանությունից հայտնեցին, որ Ժամը 18:00-ի դրությամբ Երևանից ոստիկանության տարբեր բաժիններ է բերվել 209 քաղաքացի, Գեղարքունիքից՝ 10, Արարատից՝ 6, Արագածոտնից՝ 6, Արմավիրից՝ 4, իսկ Լոռու մարզից 2 քաղաքացի։