Եվրասիական տնտեսական միության շրջանակներում համագործակցությունը շատ հաջող է զարգանում: Այս մասին այսօր հայտարարել է ՌԴ նախագահ Վլադիմիր Պուտինը։
Վլադիմիր Պուտինն ասել է, որ Ռուսաստանը բարձր է գնահատում անդամ բոլոր երկրների հետ սերտ գործընկերությունը, որը «հետևողականորեն կառուցված է փոխշահավետության, հարգանքի և միմյանց շահերը հաշվի առնելու սկզբունքների վրա»։
Անդրադառնալով Ղազախստանի նախագահ Կասիմ Տոկաևի խոսքերին՝ ՌԴ ղեկավարը համաձայնել է, որ Հայաստանը ԵԱՏՄ-ում հիմնական շահառուն է, քանի որ երկիրն ունի տնտեսական աճի ամենաբարձր ցուցանիշը։
«Նիկոլ Փաշինյանն ասաց, որ երկրի ՀՆԱ-ի աճը կազմում է 12,1 տոկոս։ Սա լուրջ ցուցանիշ է»,- նշել է Պուտինը։