Ինչպես է վերաբերում ՀՀ երրորդ նախագահ Սերժ Սարգսյանը տարբեր բևեռների կողմից իր քաղաքական թիմի թիրախավորմանն ու քննադատություններին։ Սերժ Սարգսյանի խոսքով, դրանք իր համար սովորական երևույթ են, արդեն 30 տարուց ավելի։
«Ավանդաբար դա սկսել են անել ադրբեջանցիները, նրանց ձայնակցել են մեր տեղացիները, իսկ հիմա առանձնապես ոչինչ չի փոխվել։ Այդ երգչախմբին միացել են նոր ձայներ՝ նոր տոնայնությամբ։ Իրենք գիտակցում են, որ իրենց համարելով ընդդիմադիր ջուր են լցնում Հայաստանի կառավարիչների ջրաղացին։ Այս նույնը առանձնահատուկություններով վերաբերվում է Հայաստանի Հանրապետական կուսակցությանը»։
Սարգսյանը մասնավորապես ասաց, որ դա չէ կարևորը, այլ այն, որ այսօր թիրախավորվում է Հայաստանի Հանրապետությունը, մեր պետությունը, պետականությունը։
«Իմ խորին համոզմամբ, վերջին 100 տարվա մեջ հայ ժողովրդին այսպիսի ողբերգություն չէր պատուհասել»։
Ինչ վերաբերվում է խաղաղության պայմանագրին և «Խաղաղության խաչմերուկ» նախագծին, Սարգսյանն ասաց, որ Արցախի համար պայքարը եղել է Հայաստանի պետականության համար պայքար և այդ խնդիրը որ առաջ էինք մղում, Հայաստանի համար էինք առաջ մղում։ Արցախը Հայաստանի պետականության և ժողովրդի համար երբեք բեռ չի եղել, հակառակը՝ եղել է փրկօղակ։
Մանրամասները՝ տեսանյութում