Վրաստանի Սահմանադրական դատարանը քննարկման չի ընդունել նախագահ Սալոմե Զուրաբիշվիլիի և ընդդիմադիր պատգամավորների՝ հոկտեմբերի 26-ին կայացած ընտրությունների արդյունքներն ու ճանաչումը չեղարկելու դիմումները։
Պլենումի որոշումը դեկտեմբերի 3-ին հրապարակվել է Սահմանադրական դատարանի կայքում։ Հատուկ կարծիք են հայտնել երկու դատավորներ՝ Թեյմուրազ Տուգուշին և Գեորգի Կվենչխիլաձեն, գրել են ԶԼՄ-ները։
«Որոշումը վերջնական է և ենթակա չէ բողոքարկման կամ վերանայման»,- հայտնել է դատարանը։
Նոյեմբերի 19-ին նախագահի անունից հայց է ներկայացվել Սահմանադրական դատարան։ Վրաստանի նախագահը հայտարարել է, որ ընտրությունների ժամանակ խախտվել է քվեարկության գաղտնիության սկզբունքը եւ պահանջել արդյունքները ճանաչել հակասահմանադրական։