Բոգորոդսկ բնակավայրի (ՌԴ Նիժնի Նովգորոդի մարզ) բնակելի շենքում գազի պայթյուն է եղել:

Պայթյունը տեղի է ունեցել Երևանի ժամանակով երեկոյան 21։00-ին մոտ Օգարևա փողոցի երկհարկանի շենքում, որից հետո ուժեղ հրդեհ է բռնկվել։ Հրդեհվել է շենքի տանիքը։ Հայտնի է նաև, որ փլուզվել է առաստաղը և միջբնակարանային պատերից մեկը, գրել են ԶԼՄ-ները։

Պայթյունից մահացել է 1 թոշակառու։

Արտակարգ իրավիճակների նախարարության տվյալներով՝ 7 մարդու հաջողվել է փրկել, եւս 16-ը տարհանվել է շենքից։ Հրդեհը մեկուսացվել է: