Կոսովոյի Հանրապետության ոստիկանները շրջանի հյուսիսում գտնվող Զվեցանի շրջանում ծեծի են ենթարկել սերբ դեռահասներին․ հայտնում է ՌԻԱ Նովոստին։
Ծեծի են ենթարկվել 2005 թվականին ծնված երիտասարդը և 2007 թվականին ծնված աղջիկը․ վիրավորները եղբայր և քույր են։ Հունիսի 17-ի երեկոյան նրանք կվադրոցիկլ են վարել։ Կոսովոյի ոստիկանությունը նրանց կանգնեցրել է Ռուդին գյուղում։ Երեխաներին գցել են գետնին և ծեծել։
«Երիտասարդը բազմաթիվ հարվածներ է ստացել գլխին, նաև ոտքով հարվածներ են հասցվել մեջքին և ստամոքսին», - լրատվամիջոցներին ասել է բժիշկը։
Նա պարզաբանել է, որ աղջկան կոպտորեն գցել են կվադրոցիկլից, որից հետո նրան քարշ են տվել գետնով։ Երկու դեռահասներն էլ հոգեբանական շոկի մեջ են, հավելել է բժիշկը։