Apple-ի ինժեներները նոր միջոց են գտել iPhone-ի գերտաքացման դեմ պայքարելու համար։ Այս մասին հայտնել է PhoneArena-ն։
Ըստ ինսայդերների՝ կորպորացիայի մասնագետները սմարթֆոնում կարող են օգտագործել գոլորշիացման խցիկ՝ դրանով իսկ սառեցնելով պրոցեսորը հեղուկի միջոցով։ Այնուամենայնիվ, այս մեթոդը դեռ մշակման փուլում է, թեև գոլորշիների խցիկները օգտագործվում են սմարթֆոնների շատ արտադրողների կողմից:
Ինսայդերները նաև պարզել են, որ Apple-ը կարող է լուծել գերտաքացման խնդիրը՝ օգտագործելով գրաֆենը՝ ածխածնի երկչափ ալոտրոպիկ ձևափոխում, որը ձևավորվում է մեկ ատոմ հաստությամբ ածխածնի ատոմների շերտից։ Պրոցեսորին կցված գրաֆենի բարձիկը կկարողանա արդյունավետորեն ցրել ջերմությունը:
Ինսայդերների շրջանում կա վարկած, որ Apple-ը կարող է վերադառնալ իր սարքերի դասական մետաղական պատյանին։ Դա պայմանավորված է նրանով, որ տիտանը, որն օգտագործվել է iPhone 15 Pro-ում և 15 Pro Max-ում, շատ է տաքանում ու լավ չի ցրում ջերմությունը։