Հինգշաբթի, 8 փետրուար, 2024 թ. Մայր Աթոռ Սուրբ Էջմիածնում տեղի ունեցաւ հանդիպում Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի եւ Հ.Յ.Դ. Բիւրոյի ներկայացուցիչ Յակոբ Տէր-Խաչատուրեանի միջեւ։ Հայտնել է ՀՅԴ մամուլի ծառայությունը։
Հանդիպման ընթացքում քննարկուեցին Հայաստանի ներկայիս իրավիճակի, արցախեան հիմնախնդրի, արցախահայութեան իրաւունքների պաշտպանութեան, յատկապէս Արցախ հաւաքական վերադարձի հարցերը։
Տեղեկութիւններ փոխանակուեցին հայրենիքում եւ համաշխարհային մակարդակով Արցախի հարցի արդարացի լուծման կապակցութեամբ կատարուած աշխատանքների եւ նախատեսուած համահահայկական նախաձեռնութիւնների վերաբերեալ։
Շեշտուեց արցախահայերին մարդասիրական օժանդակութիւններ տրամադրելու եւ Հայաստանի պետականութեան հիմքերի ամրապնդման աշխատանքի շարունակութեան, ի խնդիր ազգային միասնականութեան զօրացման եւ առկայ մարտահրաւէրների յաղթահարման՝ ազգային կառոյցների միջեւ համագործակցութեան ընդլայնման եւ հայ ժողովրդի կեանքում եկեղեցուոյ դերի խորացման կարեւորութիւնը։