SHAMSHYAN.com-ի տեղեկություններով՝ հունվարի 30-ին ՀՀ Ներքին գործերի նախարարության քրեական ոստիկանության գլխավոր վարչության ծառայողները, օպերատիվ տվյալներ իրացնելով, ոստիկանության Մալաթիայի բաժին եմ տեղափոխել Կոտայքի մարզի բնակիչ 34-ամյա Մ. Բ.-ին։
Ինչպես հայտնում է ֆոտոլրագրող Գագիկ Շամշյանը, վերջինը ձերբակալվել է Լենինգրադյան փողոցում և եղել է Range Rover մակնիշի ավտոմեքենայում։
Պարզվել է, որ քրեական ոստիկանության գլխավոր վարչությունում ստացված օպերատիվ տվյալներ հավաստի են եղել։ Range Rover մակնիշի ավտոմեքենայի սրահի պահոցում հայտնաբերվել է «Մակարով» տեսակի ատրճանակ՝ իր փամփուշտներով, իսկ ավտոմեքենայի բեռնախցիկում՝ տարբեր տեսակի ինքնաձիգներ և ռազմամթերք։
Դեպքի փաստով ոստիկանության Մալաթիայի բաժնում փաստաթղթեր են ձևակերպվել, որոնք փոխանցվել են Հայաստանի Քննչական կոմիտեի Երևան քաղաքի քննչական վարչության Մալաթիայի քննչական բաժին։
Ֆոտոլրագրողի տեղեկություններով՝ երեկ, երբ դատարանի որոշմամբ խուզարկության է ենթարկվել Ranger Rover-ը, Մ. Բ.-ն ավտոմեքենայի սրահից քննիչներին է ներկայացրել «Մակարով» տիպի OH 8879 գործարանային համարի ատրճանակ, 2 հատ 9 մմ տ/չ փամփուշտ, բեռնախցիկից՝ իր անվամբ հաշվառված երկու ինքնաձիգ 1974BK909 և «Սայգա» 410K գրառումներով, մեկ պահեստատուփ լիցքավորված երեսուն փամփուշտներով, չորս տուփ փամփուշտ, մեկ դատարկ փամփշտատուփ, իսկ ա/մ-ի սրահից հայտնաբերվել է դանակ:
Քննիչի որոշմամբ նշանակվել են փորձաքննություններ, իսկ Մ. Բ.-ն ձերբակալվել և տեղափոխել է ոստիկանության Երևան քաղաքի վարչության ձերբակալվածների պահման վայր։