MediaHub-ը ավելի վաղ գրել էր, որ Ռուսաստանը հունիսի 30-ից խստացնում է օտարերկրացիների մուտքի կանոնները։ Այժմ, սահմանը հատելուց առաջ, անհրաժեշտ է էլեկտրոնային դիմում ներկայացնել և հատուկ QR կոդ ստանալ Gosuslugi RuID հավելվածում։ Դա պարտադիր կլինի երկիր մուտք գործելիս։ 

Բելառուսի քաղաքացիները, վեց տարեկանից փոքր երեխաները և վիզա, ժամանակավոր բնակության թույլտվություն կամ մշտական ​​բնակության թույլտվություն ունեցող անձինք ազատված են գրանցումից: 

Պահանջները չեն տարածվի դիվանագետների և նրանց ընտանիքի անդամների, Ռուսաստանում հավատարմագրված միջազգային կազմակերպությունների և դրանց ներկայացուցչությունների աշխատակիցների, ինչպես նաև նրանց ընտանիքի անդամների վրա: