Մաշկաբան Լինդսի Զուբրիցկին խորհուրդ է տվել ցնցուղ ընդունելիս ավելի մանրակրկիտ լվանալ ականջների հետևի հատվածը։ Բժիշկը իր TikTok տեսանյութում բացատրել է, թե մարմնի որ այլ թաքնված մասերին պետք է ավելի շատ ուշադրություն դարձնել։
Զուբրիցկին բացատրել է, որ անկախ նրանից, թե որքան հաճախ կամ ինչքան ժամանակ են մարդիկ լոգանք ընդունում, շատերը մոռանում են մարմնի որոշ տեղերի մասին։ Օրինակ, նա ասաց, որ ոմանք չեն լվանում ականջների հետևը: Մաշկաբանի խոսքով՝ այս հատվածում ոչ բավարար հիգիենայի մասին խոսում է տհաճ հոտի առկայությունը, որը կարող է առաջանալ մաշկը տրորելու դեպքում։
Երկրորդ տեղը, որն անհրաժեշտ է լվանալ, բժիշկը նշել է, որ դա պորտն է, որը հաճախ բավականաչափ չեն լվանում։ Այս հատվածը հատկապես կարևոր է մանրակրկիտ մաքրման համար, քանի որ այնտեղ հավաքվում են «քրտինքը, կեղտը», - ասում է մասնագետը։
Ի վերջո, Զուբրիցկին խորհուրդ է տալիս եղունգները լվանալ ցնցուղի տակ՝ տակի կեղտից ազատվելու համար: «Մարմնի այս մասերը պարունակում են բակտերիաներ, որոնք ներթափանցելով՝ առաջացնում են լուրջ վարակներ։ Նրանք պետք է բուժվեն հակաբիոտիկներով»,- զգուշացնում է մաշկաբանը։
Ավելի վաղ պլաստիկ վիրաբույժ Մադինա Բայրամուկովան պատմել էր, թե ինչպես պետք է խնամել չոր մաշկը։ Առաջին հերթին նա խորհուրդ տվեց խուսափել տրավմա առաջացնող սկրաբից։