«Աերոֆլոտ» ավիաընկերության` Ֆերգանայից Մոսկվա թռչող ինքնաթիռն արտակարգ վայրէջք է կատարել Տաշքենդի միջազգային օդանավակայանում։ Այս մասին հայտնել է Ուզբեկստանի օդանավակայանների մամուլի ծառայությունը։

Պատճառը եղել է ուղեւորի վատառողջ լինելը։

Ինքնաթիռի վայրէջքից հետո 1954 թվականին ծնված ուղեւորն ինսուլտի կասկածով հոսպիտալացվել է Տաշքենդի բժշկական հաստատություններից մեկում, իսկ ռուսական ավիափոխադրողի ինքնաթիռը թռել է Մոսկվա։