Կիպրոսը հայտարարել է, որ պետությունն էներգիայի ծախսերի մեծ մասն իր վրա կվերցնի՝ աշնանը գների մինչեւ 25 տոկոս աճի ազդեցությունը մեղմելու համար, հաղորդում է Reuters-ը:
Ֆինանսների նախարար Կոնստանտինոս Պետրիդեսն ասել է, որ պետությունը կհոգա այսպես կոչված խոցելի տնային տնտեսությունների համար նախատեսված բոլոր լրացուցիչ ծախսերը եւ փուլային սուբսիդավորում կներդնի այլ սպառողների համար՝ 85-ից մինչեւ 50 տոկոս՝ կախված սպառումից:
Պետրիդեսի խոսքով՝ փուլային սուբսիդիան մշակվել էր՝ քաղաքացիներին իրենց էներգիայի սպառումը խնայել ստիպելու համար: «Մենք ճշմարտությունը չենք թաքցրել, գները բարձր կմնան, ուստի երկարաժամկետ լուծումը խնայողություններն ու համապարփակ ծրագիրն է՝... հանածո վառելիքից մեր կախվածությունը լիովին թուլացնելու համար»:
Նոր միջոցառումները կազդեն գրեթե կես միլիոն տնային տնտեսությունների եւ 111.500 ձեռնարկությունների վրա: