Մոսկվայի և Թեհրանի միջև համապարփակ ռազմավարական գործընկերության մասին համաձայնագիրը ներառում է երկկողմ համագործակցության բոլոր ոլորտները, ասել է Ռուսաստանում Իրանի դեսպան Քազեմ Ջալալին։
Նրա խոսքով՝ փաստաթուղթը ներառում է 47 հոդված։
«Մենք նախագիծը պատրաստել ենք և այն հանձնել ռուսական կողմին։ Այն տևեց մոտ 2,5-3 տարի, եղան բազմաթիվ հանդիպումներ և քննարկումներ, արվեցին բազմաթիվ փոփոխություններ, մինչև վերջապես համաձայնություն ձեռք բերվեց»,- ասել է դիվանագետն իրանական IRNA լրատվական գործակալությանը տված հարցազրույցում։
Իրանի նախագահ Մասուդ Պեզեշկիանը հունվարի 17-ին կայցելի Մոսկվա՝ ստորագրելու Համապարփակ ռազմավարական գործընկերության համաձայնագիրը և բանակցություններ վարելու ՌԴ նախագահ Վլադիմիր Պուտինի հետ։ Համաձայնագրի մշակման գործընթացը սկսվել է դեռեւս 2014 թվականին։ Ինչպես «Կոմերսանտ»-ին հայտնել է իրանական դիվանագիտական աղբյուրը, համաձայնագրի կարևոր մասը կլինի առևտրատնտեսական և էներգետիկ համագործակցությունը, նաև «գործընկերությունը պաշտպանության և անվտանգության հետ կապված հարցերում»: