Այսօր՝ հոկտեմբերի 14-ին, սպանություն է տեղի ունեցել Երևանում: Ժամը 11:30-ի սահմաններում ՀՀ ներքին գործերի նախարարության ոստիկանության Երևան քաղաքի վարչությունում, ոստիկանության Մալաթիայի բաժնում և ՀՀ ՆԳՆ ոստիկանության պարեկային ծառայության Երևան քաղաքի գնդում օպերատիվ տեղեկություններ են ստացվել, որ Իսակովի պողոտայում դի կա: Գրել է «Շամշյանը»։

Օպերատիվորեն ժամանել է շտապօգնության բժիշկների հերթապահ խումբը, որն արձանագրել է տղամարդու մահը:

Ոստիկաններն ու պարեկները Իսակովի պողոտայցի դեպի Արգավանդ տանող ճանապարհի սկզբնամասում հայտնաբերել են տղամարդու դի, արնանման հետքեր, արյունոտված դանակ, որը ըստ նախնական տեղեկությունների՝ հնարավոր է՝ հանցագործության գործիքն է:  

Դեպքի փաստով քննչական բաժնում նախաձեռնվել է քրեական վարույթ:  

Գ. Շամշյանի տեղեկություններով՝ իրավապահներն արդեն ունեն տեղեկություններ ենթադրյալ կասկածյալի ինքնության մասին և թե ինչ մակնիշի մեքենայով է նա հեռացել դեպքի վայրից:

Ոստիկանությունն ու քննչական բաժինը պարզում են մահացածի ու կասկածյալի ինքնությունը: