69 տարեկանում մահացել է մանգայի և անիմե Dragon Ball ֆրանշիզայի հեղինակ, ճապոնացի նկարիչ Ակիրա Տորիյաման։ Այս մասին հայտնել է Bird Studio անիմե ստուդիայի մամուլի ծառայությունը, որը ստեղծվել է Տորիյամայի կողմից 1983 թվականին։

Տորիյաման մահացել է մարտի 1-ին։ Մահվան պատճառը սուր սուբդուրալ հեմատոմա է եղել։ «Մեր ընդհանուր մեծ կորուստն այն է, որ նա չհասցրեց մի քանի նախագծեր ավարտին հասցնել, լինելով ստեղծման փուլում՝ մեծ ոգևորությամբ սկսեց աշխատել»,- նշված է հաղորդագրության մեջ։

Հուղարկավորությունը տեղի է ունեցել նրա ընտանիքի անդամների և «շատ փոքրաթիվ հարազատների» ներկայությամբ՝ հանգուցյալի ցանկությանը համապատասխան։

Ստուդիան նշել է, որ մահվան կապակցությամբ ծաղիկներն ու նվիրատվությունները չեն ընդունվի․ խնդրել են զերծ մնալ նրա ընտանիքի անդամներին հարցեր տալուց։