Արցախի արտգործնախարար Դավիթ Բաբայանը Վաշինգտոնում հանդիպել է ԱՄՆ Արեւելյան շրջանի Հայ Դատի հանձնաժողովի ղեկավարության հետ՝ գործադիր տնօրեն Արամ Համբարյանի գլխավորությամբ։

Վուդրո Վիլսոնի տուն-թանգարանում տեղի է ունեցել Արցախի անվտանգությանն ու ազատությանը նվիրված միջոցառում, որտեղ նախարարը հանդես է եկել ելույթով։

Դավիթ Բաբայանն ընդգծել է Հայ Դատի կարևոր դերը Հայաստան-Արցախ-Սփյուռք եռամիասնության ամրապնդման, ազգային խնդիրների լուծման, Արցախին մշտապես սատարելու գործում։