Հույս ունենանք, որ ճանապարհն այսօր կբացվի։ Այս օրերին ամեն մեկն իր ուժերի սահմաններում փորձել է նույնիսկ մեկ լումա ունենալ ճանապարհը բացելու գործում։ Այս մասին այսօր ԱԺ-ում լրագրողների հետ զրույցում ասաց «Հայաստան» խխմբակցության պատգամավոր Գեղամ Մանուկյանը՝ խոսելով Արցախում տիրող իրավիճակի մասին։
Մանուկյանի խոսքով՝ ժողովուրդն անում է ամեն ինչ, որպեսզի միջազգային հանրությունը տեղեկանա կատարվողի մասին։
«Բայց ուզենք-չուզենք, պետք է արձանագրենք, որ իշխանությունն այս ամենում իրեն լրիվ անհաղորդ է պահում»,-ասաց նա և հիշեցրեց այն արտահերթ նիստը, որն ընդդիմությունն էր նախաձեռնել, որը սակայն իշխնությունը տապալել էր։
«Նույնիսկ, եթե ճանապարհը բացվի՝ սա հարցի լուծում չէ։ Իրականում շատ ավելի կտրուկ, շատ ավելի համադրված գործողություններ են պետք։ Ադրբեջանի ախորժակն ուտելիս է բացվում և ամեն անգան մեր զիջող կեցվածքն Ադրբեջանին հնարավորություն է տալիս նման սադրանքների դիմել»,-ասաց Մանուկյանը։
Դիտարկմանը, թե ՔՊ-ական պատգամավոր Հակոբ Ասլանյանն առաջարկում է, որ ընդդիմությունը գնա Արցախում երկիրը պաշտպանի, վերջինս արձագանքեց․ «Ո՞վ է ասում, էն, որ ասո՞ւմ է Առաջին աշխարհամարտից մինչև վերջին պատերազմ մասնակցել է։ Ցավում եմ, որ ՀՀ-ում պատմության նման ուսուցիչ է եղել, ցավում եմ, չգիտեմ, թե ինչ սերունդ է դաստիարակել։ Եկեք, էլ չշարունակեմ, զսպվածություն ցուցաբերեմ»։
Մանրամասները՝ տեսանյութում