Իրավապաշտպան Ռուբեն Մելիքյանը հայտնել է՝ ահազանգը, որ երիտասարդ քաղաքացու են ձերբակալել՝ Նիկոլ Փաշինյանին դավաճան կոչելու համար, ճիշտ է։ Դեպքը տեղի է ունեցել Երևանի կենտրոնում, Սայաթ-Նովա-Չարենց խաչմերուկում, ՔՊ գրասենյակի մոտ։ Ձերբակալված երիտասարդը մոտ 30 տարեկան է, քաղաքական գործիչ չէ, քաղաքականությամբ չի զբաղվում.
Քաղաքացին, նկատելով Նիկոլ Փաշինյանին, բացականչել է՝ «Նիկոլ՝ դավաճան», ինչից հետո նրան ձերբակալել են, առանց ձերբակալելու պատճառը հայտնելու՝ անմիջապես տեղափոխել են ոստիկանության Կենտրոնի բաժին, որտեղ էլ, 1,5 ժամ պահելուց հետո, ազատ են արձակել։
Մելիքյանը հայտնել է, որ ԱԺ ընդդիմադիր պատգամավորները ևս մեկնել են ոստիկանության Կենտրոնի բաժին:
«Բոլորիս պարտքն է պաշտպանել նման իրավիճակում հայտնված քաղաքացուն, եւ ԱԺ պատգանավորները նույնպես պատրաստակամություն են հայտնել կանգնել այդ քաղաքացու կողքին։ Նման դեպքերով կարող եք ինձ զանգահարել, ընդդիմադիր պատգամավորներին զանգահարել»,-ասել է նա:
Ավելի մանրամասն՝ տեսանյութում