ՌԴ ԱԴԾ-ն հրապարակել է գեներալ Կիրիլովի մահվան պատճառ դարձած ահաբեկչության հեղինակ, Ուզբեկստանի քաղաքացու հարցաքննության կադրերը։ 

«Ես Մոսկվա եմ եկել Ուկրաինայի հատուկ ծառայությունների հրահանգով»,- ասել է նա։

Կիրիլովի սպանության համար Ուկրաինայի հատուկ ծառայությունները խոստացել են «100 հազար դոլար ու Եվրոպական անձնագիր»։

«Коммерсантъ»-ը, հղում անելով իր աղբյուրներին, հայտնում է, որ իրավապահները բերման են ենթարկել երկու կասկածյալի։

Ուզբեկստանի ԱԳՆ-ն ճշտում է երկրի քաղաքացու մասին տեղեկատվությունը, որը ձերբակալվել է Մոսկվայում ահաբեկչություն իրականացնելու համար, «РИА Новости»-ին հայտնել է աղբյուրը։

Ավելի վաղ ՌԴ Քննչական կոմիտեն հայտնել էր, որ ձերբակալվածը բերման է ենթարկվել, կատարվում են քննչական գործողություններ։

Պարզվել է, որ նա օտարերկրյա քաղաքացի է։ Ծնվել է 1995 թվականին, Ուզբեկստանից է։ 

Երեկ հայտնի էր դարձել, որ Մոսկվայում բնակելի շենքի մոտ կայանված ինքնագլորի վրա ամրացված ինքնաշեն պայթուցիկի գործարկման հետևանքով զոհվել են Ռուսաստանի Դաշնության ռադիացիոն, քիմիական և կենսաբանական պաշտպանության զորքերի հրամանատար, գեներալ-լեյտենանտ Իգոր Կիրիլովը և նրա օգնականը։