Բուլղարիայի մայրաքաղաքում այրվում են պիրոտեխնիկական արտադրանքով պահեստներ, առնվազն երկու մարդ տուժել է, հայտնում է Բուլղարիայի ազգային հեռուստատեսությունը (BNT)՝ վկայակոչելով ՆԳՆ-ին։ Հրդեհը տեղի է ունենում Սոֆիայի շրջանի Էլին-Պելին քաղաքի և համանուն գյուղի միջև։
«Այրվում է երեք պահեստ։ Մենք երկու զոհի ենք հանել՝ տղամարդու և կնոջ, որոնք լուրջ վնասվածքներ են ստացել։ Չճշտված տեղեկությունների համաձայն՝ դեռևս կան տուժածներ։ Պայթյունների ձայներ անընդհատ լսվում են»,- հեռուստաալիքին ասել է ՆԳՆ խոսնակ Դիմիտար Կանգալջիևը։ Դեպքի վայր է ժամանել նաև ներքին գործերի նախարար Կալին Ստոյանովը։
Հրդեհի տարածքում գտնվող բնակիչները տարհանվել են, ճանապարհները փակվել են։ Սոֆիայի օդանավակայանը շարունակում է բնականոն աշխատանքը։