Ամերիկացի ռեփեր Քանյե Ուեսթը որոշել է վաճառել Մալիբուի իր առանձնատունը։ Այս մասին գրել է People ամսագիրը։
Ուեսթը գույքը գնել էր 2021 թվականի սեպտեմբերին 57,3 միլիոն դոլարով: Տունը վաճառվում է $4 մլն զեղչով։ Արժեքի նվազումը բացատրվում է ներքին հարդարման բացակայությամբ։ Երաժիշտը ժամանակին մտածում էր իր կալվածքը «1910-ականների ռումբերի ապաստարանի» վերածելու մասին, ինչի մասին գրել է Guardian-ը՝ վկայակոչելով շինության խնամակալին: Նրա խոսքով՝ ռեփերը պատրաստվում էր այստեղ թաքնվել Քարդաշյանների եւ Քլինթոնների ընտանիքներից։
Ուեսթը հրամայել է առանձնատներից հեռացնել պատուհաններն ու սանտեխնիկան, անջատել ջուրն ու էլեկտրականությունը։ Նա քանդել է տվել մարմարե լոգարանները և աստիճանները փոխարինել սլայդներով։ Դատարկ տունը նոր սեփականատերերին ստեղծագործական ազատություն կտա՝ ստեղծելու իրենց երազանքների ինտերիերը: Խնդրահարույց գույքը վաճառելու համար նրանք ստիպված էին եղել ներգրավել անշարժ գույքի ամերիկյան հայտնի բրոքեր Ջեյսոն Օփենհեյմին։