Հնդկաստանում մի տղամարդ իր ավտոմեքենան է «հուղարկավորել»։

Հնդկական ընտանիքը ծախսել է մոտ 430 հազար ռուփի 12-ամյա Suzuki Wagon R-ի հրաժեշտի արարողության վրա, որը տեղի է ունեցել մեքենայի տիրոջ՝ Սանջայ Պոլարայի ֆերմայում։

Տղամարդն այս կերպ որոշել է շնորհակալություն հայտնել իր «երկաթե նժույգին» ընտանիքի բարեկեցության մեջ ունեցած ներդրման համար։

Միջոցառմանը մոտ 1500 մարդ է եկել։ «Մահացած» մեքենան՝ զարդարված ծաղիկներով, թաղվել է մեծ գերեզմանում։ Հարյուրավոր մարդիկ լուսանկարվել են դրա դիմաց։