Սփայք մականունով 23-ամյա չիհուահուան ԱՄՆ Օհայո նահանգից հայտնվել Է Գինեսի ռեկորդների գրքում եւ դարձել աշխարհի ամենատարեց շունը: Այս մասին հայտնում է Գինեսի ռեկորդների գրքի պաշտոնական կայքը։

Սփայքն իր կյանքի մեծ մասն ապրել է Ռիտա Քիմբելի հետ, որը նրան խանութի մոտ գտել է լքված։ «Նրա մեջքը սափրված էր, պարանոցին՝ շղթայի վրա, արյան բծեր կային։ Նա վատ վիճակում էր»,-հիշում է շան տերը։

Նրա խոսքով՝ չիհուահուան միանգամից ընտելացել է նոր տանը։ Չնայած մեծ տարիքին՝ աշխարհի ամենատարեց շունն ամեն օր արթնանում է առավոտյան ժամը յոթին Քիմբելի հետ եւ այցելում ֆերմա։

Քիմբելը պնդում է, որ իր ընտանի կենդանին ընկերասեր է եւ հանգիստ, բայց կարող է զայրանալ, երբ նրան շոյում են անծանոթները: