Բերձոր, Աղավնո և Ներքին Սուս համայնքների բնակիչներին ԱՀ կառավարությունը փոխհատուցում տրամադրել է մոտ այնքան, որքան որ 44-օրյա պատերազմից հետո Արցախի տարբեր բնակավայրերից բռնատեղահանված բնակիչներին: MediaHub.am-ի հետ զրույցում այս մասին տեղեկացրեցին ԱՀ ՏԿԵ նախարարությունից։
«Միանվագ բոլորին տրվել է 250 հազար դրամ աջակցություն, այնուհետև 2021 թ-ի սեպտեմբերից մինչև դեկտեմբերի, 4 ամիս չափահասաները ստացել են 25 հազար դրամ, անչափահասները` 50 հազար դրամ։ Հիմա արդեն օգտվում են նաև այլ ծրագրից, Բնակարանային կոմիտեն 40 հազարական դրամ է տրմադրում բնակավարձի փոխհատուցման համար։ Մեր նախկին տեղահանվածներն էլ են դա ստանում»,-մանրամասնեցին նախարարությունից։
Ինչ վերաբերում է բնակարանի սերտիֆիկատի տրմադրաման հարցին, ապա նախարարությունից պարազաբանեցին, որ այդ հարցով զբաղվում է Բնակարանային կոմիտեն։ Նախարարությունից հետաքրքրվեցինք, թե ինչպես են աջակցում իրերի տեղափոխման հարցում, ի պատասխան նշեցին, որ հիմնականում տեղափախոխման գործընթացը օգոստոսի 18 –ից է լինելու, տրվելու է գումարային աջակցություն, թե որքան այս պահին չմանրամասնեցին։
Անի Գևորգյան