Հազարավոր մարդիկ հավաքվել էին այրելու Լիզ Թրասի պատկերը՝ ոգեկոչելով 1605 թվականի խորհրդարանը պայթեցնելու ծրագրի ձախողումը:

Բրիտանացիները անձրեւի տակ ջահերով մասնակցել են Արեւելյան Սասեքսի Լյուես քաղաքում անցկացված սկանդալային, սակայն հայտնի միջոցառմանը, որի ընթացքում հրկիզվել է նախկին առաջնորդի կերպարը:

Անցյալ տարի միջոցառմանը մասնակցել է մինչեւ 30 հազար մարդ, որոնք այրել են Դոմինիկ Քամինգսի, առողջապահության նախկին նախարար Մեթ Հենքոքի պատկերը:

11 մետրանոց կերպարի ձեռքին եղել է բռնել էր ստվարաթղթե տուփը եւ Գինեսի ռեկորդների գրքի պատճեն, քանի որ նա ռեկորդ է սահմանել՝ որպես ամենակարճ պաշտոնավարած վարչապետ: Կերպարին մաս է կազմել նաեւ Թրասի մինի-բյուջեի պատճենը, կարմիր Make Britain Great Again գլխարկը եւ վերնաշապիկը, որի վրա գրված է եղել «Ես մարտիկ եմ, ոչ թե վախկոտ»:

Գայ Ֆոքսի գիշերը Բրիտանիայում ավանդաբար նշվում է նոյեմբերի 5-ին՝ ոդեկոչելով խորհրդարանի գրավման ձախողումը 1605 թվականին: Հենց Գայ Ֆոքսն է փորձել հրկիզել Վեստմինստերյան պալատի նկուղում գտնվող վառոդի տակառները։ Սովորության համաձայն՝ այս օրը հրավառություն են անում եւ այրում դավադիրի պատկերը։