Մեծ Բրիտանիայում միապետության դեմ արտահայտվող «Հանրապետություն» կազմակերպությունը կոչ է արել Բուքինգհեմյան պալատը ողջ տարին բացել զբոսաշրջիկների համար:
«Տոմսերի վաճառքից ստացված հասույթը կարող է ուղղվել վերանորոգմանն ու վերականգնմանը, եւ հարկերի դիմելու կարիք չի լինի»,- Sky News-ին ասել է կազմակերպության ղեկավար Գրեհեմ Սմիթը։
Սմիթը չի հերքել, որ Բուքինգհեմյան պալատը Մեծ Բրիտանիայի կարեւոր խորհրդանիշն է եւ չպետք է անտեսվի, սակայն, այնուամենայնիվ, նշել է, որ մարդիկ հաճախ քննարկում են պետական հատվածի աշխատավարձերի խնայողությունները, քանի որ շենքերը պահելու համար զգալի գումարներ են ծախսվում: