Չինաստանի արտաքին գործերի նորանշանակ նախարար Ցին Գանը, հայտարարել է, որ ԱՄՆ-ի հետ հարաբերությունների զարգացումը կմնա նոր պաշտոնում իր «կարևոր առաքելություններիցե մեկը. չինացի դիվանագետի հոդվածը հունվարի 4-ին հրապարակվել է The Washington Post պարբերականում: Հոդվածը վերնագրված է այսպես՝ «Մոլորակի ապագան կախված է Չինաստան-ԱՄՆ կայուն հարաբերություններից»:

«Ես Միացյալ Նահանգներից հեռանում եմ Է՛լ ավելի մեծ համոզմամբ, որ Չինաստանի և ԱՄՆ-ի հարաբերությունների դուռը մնում Է բաց և չի կարող փակ լինել, և որ ամերիկացիները, ինչպես չինացիները, լայնախոհ, ընկերասեր և աշխատասեր մարդիկ են: Աշխարհը բավականին մեծ է, և թե՛ Չինաստանը, թե՛ Միացյալ Նահանգները կարող են զարգանալ և բարգավաճել: Մեր երկու երկրների հաջողություններն ընդհանուր հնարավորություններն են, այլ ոչ թե մարտահրավերները՝ «հաղթողն ստանում Է ամեն ինչ» սկզբունքով: Մենք չպետք է թույլ տանք, որ նախապաշարմունքներն ու թյուրընկալումն առճակատում կամ հակամարտություն բորբոքեն երկու մեծ ժողովուրդների միջև», - ասել է նա:

Հիշեցնենք, որ 2022թ. դեկտեմբերի 30-ից Չինաստանի արտաքին գործերի նախարարությունը գլխավորում է Ցին Գանը, ով նախկինում զբաղեցրել է ԱՄՆ-ում Չինաստանի դեսպանի պաշտոնը։