Լիզ Թրասը մտադիր է շահարկել ՌԴ-ը եւ Չինաստան-ը՝ ՄԲ վարչապետի պաշտոնի համար պայքարում
Մեծ Բրիտանիայի արտաքին գործերի նախարար Լիզ Թրասը մտադիր է վարչապետի պաշտոնի համար պայքարում իր մրցակցին մեղադրել Ռուսաստանի եւ Չինաստանի նկատմամբ մեղմ վերաբերմունքի համար, գրել է The Telegraph-ը։
Արտգործնախարարը մտադիր է իրեն ներկայացնել որպես «բազե», իսկ իր մրցակից Ռիշի Սունակին՝ որպես «աղավնի», որպեսզի Պահպանողական կուսակցության անդամների համար ավելի գրավիչ երեւա՝ չսահմանափակվելով հարկերը նվազեցնելու առանցքային խոստումով։ Երկու թեկնածուների կողմնակիցների միջեւ վեճ է ծագել այն ժամանակ, երբ Թրասի կողմնակիցները նախկին կանցլերին մեղադրել են Ռուսաստանի դեմ պատժամիջոցների հարցում չափազանց զգուշավոր լինելու համար: Նրանք նաեւ պնդել են, որ Սունակը Չինաստանի հետ ավելի լայնածավալ առեւտուր է ցանկանում իրականացնել:
Սակայն Ռիշի Սունակի կողմնակիցները նշել են, որ ռուս-ուկրաիանական պատերազմի մեկնարկից հետո նա հանդես է եկել պատժամիջոցների խստացման օգտին։ Նրանք նաեւ պնդել են, որ Չինաստանի կողմից մարդու իրավունքների ենթադրյալ խախտումները չեն կարող անտեսվել անգլո-չինական հարաբերությունների համատեքստում: