Պաղեստինյան իսլամիստական շարժման քաղբյուրոյի ղեկավարի սպանությունը կհանգեցնի հետագա էսկալացիայի և բացասաբար կանդրադառնա բանակցությունների վրա: Հայտնել է Ռուսաստանի արտաքին գործերի նախարարությունը։
«Իրանում հարձակման հետևանքով ՀԱՄԱՍ-ի քաղբյուրոյի ղեկավար Իսմայիլ Հանիայի մահը բացարձակապես անընդունելի քաղաքական սպանություն է»,- հայտարարել է ՌԴ փոխարտգործնախարար Միխայիլ Բոգդանովը, փոխանցել է РИА Новости-ն։
«Այս ամենը շատ վատ է: Սա միանգամայն անընդունելի քաղաքական սպանություն է և էլ ավելի կսրի լարվածությունը»,- նշել է նա։
Բոգդանովը նաև նշել է, որ Հանիայի սպանությունը շատ բացասական ազդեցություն կունենա Դոհայում հրադադարի և պատանդների ազատ արձակման շուրջ բանակցությունների վրա։ Ինչպես հայտնել է CNN-ը, Հանիան պատասխանատու է եղել ՀԱՄԱՍ-ի միջազգային հարաբերությունների համար։