Գրեթե 7 միլիոն հետևորդ ունեցող ամերիկացի բլոգեր Քերոլ Ակոստան, ով հայտնի է Կիլադամենտե կեղծանունով, սննդից խեղդվելով մահացել է 27 տարեկանում։
Նա մահացել է հունվարի 3-ին Նյու Յորքում՝ ընտանեկան ընթրիքի ժամանակ սննդից խեղդվելուց հետո։ Այս տեղեկությունը սոցիալական ցանցերում հաստատել է նրա քույրը, գրել են ԶԼՄ-ները։
«Շնորհակալ եմ Աստծուն, որ ինձ քո նման քույր է տվել՝ քո մեծ սրտով։ Հանգչիր խաղաղությամբ, քույրիկս»,- գրել է քույրը։
Բլոգերի զարմիկի խոսքով՝ ընթրիքի ժամանակ նա հանկարծ սկսել է խեղդվել։ Ակոստային շտապ տեղափոխել են հիվանդանոց, սակայն բժիշկներին չի հաջողվել նրան վերակենդանացնել։ Աղջկա ընտանիքը խորը ցավ է հայտնել կորստի կապակցությամբ՝ նշելով, որ բլոգերին հաջողվել է հազարավոր մարդկանց օգնել իր գործունեությամբ։