ՄԱԿ-ի Անվտանգության խորհուրդը դեկտեմբերի 9-ին փակ դռների հետևում արտակարգ նիստ կանցկացնի:

Կքննարկվի Սիրիայում ստեղծված իրավիճակը նախագահ Բաշար ալ-Ասադի իշխանության տապալումից ու նրա՝ երկրը լքելուց հետո, հայտնել է France24-ը։

Ավելի վաղ ՄԱԿ-ում Ռուսաստանի ներկայացուցչի տեղակալ Դմիտրի Պոլյանսկին հայտնել էր, որ արտակարգ նիստը հրավիրվել է Ռուսաստանի նախաձեռնությամբ։ 

Նիստը կկայանա Նյու Յորքի ժամանակով 15:00-ին։ 

Սիրիայի հակակառավարական ուժերը Հոմսը գրավելուց հետո առանց դիմադրության հանդիպելու դեկտեմբերի 8-ին գրավել են Դամասկոսը։ Բաշար ալ-Ասադն ընտանիքի հետ Մոսկվայում է։