Շանհայի հիվանդանոցներից մեկում տղամարդը դանակահարել է մարդկանց, ինչի հետևանքով չորս մարդ վիրավորվել է. ասվում է Հուանպու շրջանի հանրային անվտանգության բյուրոյի հայտարարության մեջ:
«Շաբաթ օրը, տեղական ժամանակով ժամը 11:30-ին, ոստիկանությունը հաղորդում է ստացել հիվանդանոցում մարդկանց վրա հարձակման մասին։ Դեպքի վայր ժամանած իրավապահներն արագորեն հայտնաբերել են դանակով մի տղամարդու, ով հիվանդանոցի ամբուլատոր բաժանմունքում պատանդ էր պահում մարդկանց»։
Ոստիկանության աշխատակիցները կրակել և վիրավորել են հանցագործին, երբ նա պատրաստվում էր վիրավորել պատանդներից մեկին։
Չորս տուժածները ստացել են անհրաժեշտ բուժօգնություն, նրանց կյանքին վտանգ չի սպառնում։
Հարձակվողի դրդապատճառներն անհայտ են, նա բերման է ենթարկվել։ Կատարվում է հետաքննություն։