Ռուսաստանի Դաշնության վարչապետ Միխայիլ Միշուստինը մասնակցում է Եվրասիական միջկառավարական խորհրդի նեղ կազմով նիստին, միջոցառումը տեղի կունենա ուրբաթ օրը Ալմաթիում (Ղազախստան). հայտնում է РИА Новости-ի թղթակիցը։
Նեղ կազմով նիստից հետո կկայանա նաև խորհրդի ընդլայնված կազմով նիստ և կստորագրվեն ընդունված փաստաթղթերը։
Ռուսական կողմից, բացի Միշուստինից, բանակցություններին մասնակցում են նաև փոխվարչապետ Ալեքսեյ Օվերչուկը, տնտեսական զարգացման նախարար Մաքսիմ Ռեշետնիկովը և ՌԴ կառավարության աշխատակազմի ղեկավարի տեղակալ Էլմիր Թագիրովը։
Հայկական կողմից նեղ կազմով հանդիպմանը մասնակցում են ՀՀ վարչապետ Նիկոլ Փաշինյանը, փոխվարչապետ Մհեր Գրիգորյանը և արտաքին գործերի փոխնախարար Մնացական Սաֆարյանը։
Բելառուսը ներկայացնում են վարչապետ Ռոման Գոլովչենկոն, փոխվարչապետ Իգոր Պետրիշենկոն, ՌԴ-ում Բելառուսի արտակարգ և լիազոր դեսպան Դմիտրի Կրուտոյը և արտաքին գործերի փոխնախարար Իգոր Նազարուկը։
Ղազախստանը ներկայացնում են վարչապետ Ալիխան Սմաիլովը, փոխվարչապետ Սերիկ Ժումանգարինը և Առևտրի ու ինտեգրացիայի փոխնախարար Ժանել Կուշուկովան։ Ղրղզստանի կողմից՝ առաջին փոխվարչապետ Ադիլբեկ Կասիմալիևը, Ղրղզստանի նախագահի աշխատակազմի արտաքին քաղաքականության վարչության ԵԱՏՄ-ի հետ կապերի բաժնի ղեկավար Սամաթ Կուլմամբետովը։ Եվրասիական տնտեսական հանձնաժողովի կողմից՝ ԵՏՀ Կոլեգիայի նախագահ Բակիտժան Սագինտաևը, Կոլեգիայի նախագահի քարտուղարության ղեկավար Կազբեկ Ռիմժանովը։
Ավելի վաղ հաղորդվել էր, որ հինգ երկրների կառավարությունների ղեկավարները նախատեսում են քննարկել եվրասիական ինտեգրման ընթացիկ հարցեր, այդ թվում՝ ԵԱՏՄ ներքին շուկայի գործունեությունը, տրանսպորտի ոլորտում համատեղ նախագծերի իրականացումը: Առանձնահատուկ ուշադրություն է դարձվելու թվային օրակարգին, այդ թվում՝ ԵԱՏՄ ինտեգրված տեղեկատվական համակարգի կատարելագործմանը։
Տեսանյութը՝ այստեղ