Երկրորդ համաշխարհային պատերազմի ժամանակ Խորհրդային միության խաղաղ բնակչության նկատմամբ իրականացված ցեղասպանության ճանաչումը շատ կարևոր է, հայտարարել է ՌԴ նախագահ Վլադիմիր Պուտինը՝ Հայրենական մեծ պատերազմի վետերանների և պաշարված Լենինգրադի բնակիչների հետ հանդիպման ժամանակ, փոխանցում է ИА REGNUM-ը։
Երկրի ղեկավարի խոսքով՝ այս հարցը ժամանակին քննարկվել է Նյուրնբերգում, և ընդհանուր առմամբ գնահատականներ են հնչել։
«Խորհրդային միության քաղաքացիական բնակչության նկատմամբ իրականացված ցեղասպանության ճանաչման հարցը շատ կարևոր է։ Այդ հարցը դիտարկվել է Նյուրնբերգյան դատավարության ժամանակ և ընդհանուր առմամբ՝ գնահատականներ տրվել են, բայց հարցը հենց այն է, որ ընդհանուր առմամբ են տրվել, որովհետև Նյուրնբերգյան դատավարության ժամանակ անհնար էր ներկայացնել և ուսումնասիրել բոլոր այն փաստերը, որոնք վկայում են այդ ցեղասպանության մասին»,- ասել է Պուտինը։
ՌԴ նախագահը նաև շնորհակալություն է հայտնել հանդիպման մասնակիցներին՝ Երկրորդ համաշխարհայինի օրերին ծանր փորձությունները պատվով հաղթահարելու, ԽՍՀՄ պաշտպանությանը մասնակցելու համար։