Այս հինգ օրվա ընթացքում, նաև դեկտեմբեր 3-ին, երբ ադրբեջանցիները դարձյալ փակեցին Լաչինի միջանցքը, պարզ դարձավ, որ Ադրբեջանը չի հետևում եռակողմ հայտարարության դրույթներին: Այս մասին լրագրողների հետ ճեպազրույցում ասաց Արցախի Մարդու իրավունքների պաշտպան Գեղամ Ստեփանյանը։
«Ադրբեջանցիները իրավիճակը մեկնաբանում են այնպես, ինչպես ուզում են, և որևէ ձևով կաշկանդված չեն դրանք կանխելու։ Մենք էլ համոզվեցինք, որ դա ինչպես շարունակական եղել է, այդպես կա»,- ասաց Արացխի ՄԻՊ-ը։
Գեղամ Ստեփանյանը շեշտեց, որ որևէ մեկը չի կարող բացառել, որ նման դեպքերը չեն կրկնվի և բնական է այն պահանջը, որ այդ անվտանգության երաշխիքները պետք է համալրվեն միջազգային մեխանիզմներով։
«Հարցը պետք է քննարկման ենթական դառնա ՄԱԿ-ի անվտանգության խորհրդում և խաղաղապահ առաքելություն իրականացնողներին պետք է տրվի միջազգային մանդատ»,- խոսքն ամփոփեց Ստեփանյանը։
Մանրամասները՝ տեսանյութում։