Ձմերուկն ու սեխը շատ առողջարար են, սակայն սխալ օգտագործման դեպքում կարող են հանգեցնել լուրջ բարդությունների։ «Դոկտոր Պիտեր» պորտալի հետ զրույցում սննդաբան Տատյանա Մեշչերյակովան զգուշացրել է հետեւանքների մասին։

Չնայած ինչպես ձմերուկի, այնպես էլ սեխի վիտամիններով հարուստ լինելուն, խորհուրդ չի տրվում երկուսն էլ միանգամից ուտել։ 

Բացի այդ, միանգամից շատ չպետք է ուտել: Դրանք պարունակում են մեծ քանակությամբ հեղուկ, բայց միևնույն ժամանակ կա բավարար բջջանյութ, որն արագ խցանում է ստամոքսը։ Նորմը օրական 400-500 գրամ է։

«Տհաճ փքվածությունը, գազերը և մարսողության խանգարումները ձմերուկի և սեխի չափից շատ ուտելու ամենատարածված ախտանիշներն են»,- նշել է դիետոլոգը։

Բացի այդ, չի կարելի քնելուց առաջ ձմերուկ ու սեխ ուտել, քանի որ դրանք շաքարի ավելացում են առաջացնում և խաթարում հետագա հանգիստը։ Չի կարելի նաև ճաշելուց հետո դրանք ուտել, օրինակ՝ խորովածից կամ մեկ բաժակ կաթ խմելուց հետո։

«Մսի յուրացման ու մարսման համար առնվազն 3-4 ժամ է պահանջվում, բայց ձմերուկի ու սեխի համար 30 րոպեն բավական է։ Սակայն վերջինս չի մարսվի, քանի դեռ ստամոքսը չի մշակել միսը։ Իսկ դա կբերի ստամոքսում ձմերուկի կամ սեխի ակտիվ խմորման»,- ասել է Մեշչերյակովան։

Եզրափակելով՝ նա հորդորել է դրանք ուտել ոչ թե որպես դեսերտ, այլ որպես առանձին խորտիկ, այսինքն՝ հիմնական կերակուրից մեկուկես-երկու ժամ հետո։