Ուկրաինան կլինի բանակցությունների սեղանի շուրջ, բայց Եվրոպան այնտեղ չի լինի: Այս մասին հայտարարել է Ռուսաստանի և Ուկրաինայի հարցերով ԱՄՆ հատուկ ներկայացուցիչ Քիթ Քելլոգը Մյունխենի անվտանգության համաժողովում ուկրաիանական հարցով քննարկման ժամանակ։
Քելլոգը հայտարարել է Ուկրաինայի և Ռուսաստանի միջև բանակցություններում որպես միջնորդ հանդես գալու պատրաստակամության մասին։
«Եվրոպան ֆիզիկապես չի նստի Ուկրաինայի և Ռուսաստանի միջև բանակցությունների սեղանի շուրջ, բայց նրա ցանկությունները հաշվի կառնվեն... Մեր փիլիսոփայությունը պատերազմը չշարունակելն է մինչև վերջին ուկրաինացու մահը, մենք պետք է դադարեցնենք սպանություններն ու պատերազմը»,- ընդգծել է նա։
Նրա խոսքով՝ հրադադարն ու խաղաղության պայմանագիրն Ուկրաինայի համար ուշագրավ հաջողություն չեն լինի: Ասել է, որ հաջողության սահմանումը կլինի «երբ հրադադարը խախտվի առաջին անգամ, և ինչպես արձագանքեն բոլոր կողմերը»:
«Ուկրաինայում պատերազմը պետք է ավարտվի մեկ տարուց էլ քիչ ժամանակում։ Ես հրապարակայնորեն վերցնում եմ 180 օր բոլոր կողմերին ներգրավելու համար»։
Քելլոգն ընդգծել է, որ «մենք 30 օրվա ընթացքում ավելի շատ առաջընթաց ենք գրանցել պատերազմի կարգավորման հարցում, քան Բայդենի վարչակազմը երեք տարվա ընթացքում»։
Քննարկվում են Ուկրաինայի անվտանգության երաշխիքների զանազան տարբերակներ, սակայն վերջնական որոշումը կլինի ԱՄՆ նախագահ Դոնալդ Թրամփինը։ Ամերիկացի դիվանագետն ընդգծել է, որ Ռուսաստանի Դաշնության հետ պատերազմում Ուկրաինայի կորուստները 3 անգամ գերազանցում են ԱՄՆ-ի կորուստները Վիետնամում և Կորեայում միասին վերցրած [ԱՄՆ-ի կորուստները կազմում են մոտ 94 հազար], և Թրամփը «ցանկանում է դադարեցնել դա»։
«ԱՄՆ-ն հանդես կգա որպես միջնորդ ուկրաինացիների և ռուսների միջև: Թե ինչպիսին կլինեն խաղաղության բանակցությունները, առայժմ դժվար է ասել»,- հավելել է նա։