Երեքշաբթի հրդեհ է բռնկվել Ստամբուլի կենտրոնում՝ մետրոյի Հալըչ կայարանում, գնացքների երթեւեկությունը դադարեցվել է, տեղեկացրել է NTV հեռուստաալիքը։
Հեռուստաալիքի տվյալներով՝ բռնկվել են «Ոսկե եղջյուր» նեղուցի մետրոկամրջի վրա գտնվող կայարանի էլեկտրական մալուխները։ Տեղի ժամանակով ժամը 10.15-ին մոտ հրշեջները տեղեկություն են ստացել այն մասին, որ պլատֆորմի տակից ծխի քուլաներ են բարձրանում։
Դեպքի վայր ժամանած հրշեջները տեղայնացրել են հրդեհը։
Այս իրավիճակի հետ կապված՝ դադարեցվել է գնացքների երթեւեկությունը M2 գծում, Թաքսիմ եւ Հաջիօսման կայարաների միջեւ։