Հայաստանում իշխանություն չկա, կա՝ հակապետական, հակաժողովրդավարական ռեժիմ։ Այդ մասին այսօր ՀՀԿ փոխնախագահ Արմեն Աշոտյանի գործով դատական նիստից առաջ լրագրողների հետ զրույցում ասաց ԱԺ նախկին փոխնախագահ Էդուարդ Շարմազանովը։
Նրա խոսքով՝ հանրությունը գնալով ուշքի է գալիս ու ընդունում, որ Հայաստանում կան քաղբանտարկյալներ։ «Արդարության խնդիր չկա այստեղ, ես եկել եմ իմ ընկերոջը համերաշխություն հայտնելու։ Նիկոլ Փաշինյանն ու արդարադատությունը հակադիր գաղափարներ են»,- նշեց նա։
Դիտարկմանը, որ Գելլափի վերջին հարցումները ցույց են տվել, որ Փաշինյանից դժգոհ են քաղաքացիները, նրանք դեմ են խաղաղության օրակարգին, Շարմազանովն ասաց. «Ինչ վերաբերում է ընդդիմության ռեյտինգին, ապա նախ պետք է նշել, որ Նիկոլ Փաշինյանի ռեժիմը վտանգավոր է յուրաքանչյուր հայի առողջության համար։ Հիմա պետք է հանրության համախմբումն այդ գաղափարների շուրջ»։
Մանրամասները՝ տեսանյութում։