Ռուսաստանի Դաշնության միգրանտների ընտանիքներից ստեղծված էթնիկական անկլավները կարող են դառնալ ծայրահեղականության բուծարան, այս մասին ասել է ՌԴ Անվտանգության խորհրդի (ԱԽ) փոխնախագահ Դմիտրի Մեդվեդեւը միգրացիոն օրենսդրության բարելավմանն ուղղված հանդիպմանը։
«Ռուսական դպրոցներում սովորում է միգրանտների ավելի քան 200 հազար երեխա, որոնցից ավելի քան 40 տոկոսը ռուսերենին չի տիրապետում»,- ասել է Մեդվեդեւը։
Նրա խոսքով՝ ՌԴ-ում միգրանտների ընտանիքի անդամներից ձևավորվում են էթնիկ անկլավներ, և եթե երկիր այցելուները չեն հարգում ռուսական օրենսդրությունը, ծայրահեղական գաղափարախոսությունը կարող է տարածվել այս միջավայրում: