Այսօր՝ փետրվարի 5-ին, արտակարգ դեպք է տեղի ունեցել Կոտայքի մարզում։ Ժամը 10։00-ի սահմաններում ՀՀ ՀՀ ներքին գործերի նախարարության Փրկարար Ծառայության 911  ճգնաժամային կառավարման կենտրոն ահազանգ է ստացվել, որ Նոր Գեղի գյուղի «МК» բենզալցակայանի հարևանությամբ ավտոմեքենա է այրվում։

Ինչպես հայտնում է ֆոտոլրագրող Գագիկ Շամշյանը, պարզվել է, որ այրվել է Կոտայքի մարզի բնակիչ՝ 38-ամյա Համբարձում Ա-ին պատկանող Opel Astra մակնիշի ավտոմեքենայի ցուցիչների վահանակը՝ մասամբ, և մինչ հրշեջների ժամանումը, վարորդի հետ կրակը մարել են Կոտայքի  գումարտակի պարեկները։

Ըստ նախնական տեղեկությունների, բարեբախտաբար, տուժածներ չկան։