Կոլումբիայում մերկ տղամարդը ծառից ընկել է տաքսիի վրա և վախեցրել անցորդներին։ Գրել է Daily Star-ը։
Միջադեպը տեղի է ունեցել Անտիոկիա դեպարտամենտի Մեդելին քաղաքի կենտրոնում։ Հանկարծակի ընկնելու հետևանքով տղամարդը կոտրել է մեքենայի հետևի ապակին և վնասել տանիքն ու բեռնախցիկը։ Տղամարդը կապտուկներով ու քերծվածքներով փախել է և նույնիսկ հասցրել է շոկի մեջ հայտնված ականատեսների հետ զրուցել մինչև շտապօգնության ժամանելը։
Շտապօգնության աշխատակիցները տղամարդուն ցուցաբերել են առաջին օգնություն ու տեղափոխել հիվանդանոց։ Թե ինչու է նա մերկացել ու բարձրացել ծառի վրա, անհայտ է։