9 ավտոմեքենայի մասնակցությամբ զանգվածային վթարի պատճառ է դարձել 16-ամյա դեռահասը, ով վարել է ավագ եղբոր մեքենան. տուժածներ չկան. հայտնում է Կրասնոդարի ՌԴ ՆԳՆ մամուլի ծառայությունը, փոխանցում է Ria.ru-ն:
«16-ամյա դեռահասը, վարելով «Մերսեդես» մակնիշի ավտոմեքենա, վթարի է ենթարկվել՝ հարվածելով կայանված «Տոյոտա», «Շկոդա», «Ֆորդ», «Միցուբիշի», «Նիսան», «Հունդայի» մակնիշի ավտոմեքենաներին»,- ասվում է հաղորդագրությունում։
Պարզվում է, որ տուժածներ չկան, Mercedes-ը պատկանում է անչափահասի ավագ եղբորը։
Անչափահասի նկատմամբ երկու արձանագրություն է կազմվել՝ առանց իրավունքի մեքենա վարելու և ապահովագրված չլինելու համար։ Մեքենայի սեփականատերը կարող է վարչական պատասխանատվության ենթարկվել նաև մեքենան եղբորը տրամադրելու համար. հայտնել են իրավապահ մարմինները։
Նշենք, որ Ռուսաստանում մեքենա կարող են վարել 18 տարեկանից սկսած։
Ավելին՝ այստեղ