Իրանի արտաքին գործերի նախարար Աբբաս Արաղչին վերահաստատել է միջուկային գործարքի հարցում Թեհրանի դիրքորոշումը:
«ԱՄՆ նախագահին կարող է դուր չգալ 2015 թվականի միջուկային գործարքը։ Բայց այն պարունակում է Իրանի մեկ կարևոր պարտավորություն, որը մնում է ուժի մեջ, և որից շահել է նույնիսկ Միացյալ նահանգները՝ դուրս գալով գործարքից: Իրանը վերահաստատում է, որ որևէ դեպքում չի ձգտի, չի մշակի կամ ձեռք չի բերի միջուկային զենք»,- գրել է Արաղչին X-ում։
Նա նշել է, որ Գործողությունների համատեղ համապարփակ ծրագրի ստորագրումից 10 տարի անց և նույնիսկ այն բանից հետո, երբ 7 տարի անց ԱՄՆ-ը միակողմանիորեն դուրս եկավ ծրագրից, չկա ապացույց, որ Իրանը խախտել է պարտավորությունը:
«Մեր տարածաշրջանում աղետալի ձախողումները, որոնք ԱՄՆ նախկին վարչակազմերին արժեցել են ավելի քան 7 տրիլիոն դոլար, բավարար ապացույց են»,- ընդգծել է Իրանի արտգործնախարարը: