ԵՄ-ի կողմից Ռուսաստանի դեմ պատժամիջոցների նոր՝ 18-րդ փաթեթը ուժի մեջ է մտել, ասվում է Եվրամիության պաշտոնական տեղեկագրում հրապարակված փաստաթղթում։

Փաթեթը ուժի մեջ է մտել փաստաթղթի ԵՄ պաշտոնական տեղեկագրում հրապարակման պահից։

Պատժամիջոցները կիրառվել են 22 ռուսական բանկերի նկատմամբ, այդ թվում՝

T-Bank;
Սանկտ Պետերբուրգի բանկ;
Դոմ.ՌՖ բանկ;
Յանդեքս բանկ;
Ozon բանկ;
«Սուրգութնեֆտեգազբանկ» և այլն։

Այս բանկերին արգելվելու է գործարքներ կատարել՝ ռուսական բանկերը SWIFT միջազգային վճարային համակարգից անջատելու փոխարեն։

Սահմանափակումները վերաբերում են նաև Մոսֆիլմ կինոկոնցեռնի հայազգի գլխավոր տնօրեն Կարեն Շախնազարովին, Վերնադսկու անվան Ղրիմի դաշնային համալսարանի ռեկտոր Վլադիմիր Կուրյանովին, Ղրիմի Հանրապետության մշակույթի առաջին փոխնախարար Օլգա Բուրովային և Տարածքային զարգացման հիմնադրամի նախկին գործադիր տնօրեն Իլշատ Շագյախմետովին։

Ցանկում կա 14 անձինք, այդ թվում՝ Չինաստանի, Հնդկաստանի և Իրանի քաղաքացիներ։

Պատժամիջոցների ցանկում ներառված է 105 տանկեր. նրանց մուտքը ԵՄ նավահանգիստներ կփակվի։ Այս նավերին նաև արգելվում է ծառայություններ մատուցել։

Պատժամիջոցների փաթեթը նաև արգելում է «Հյուսիսային հոսք» և «Հյուսիսային հոսք 2» խողովակաշարերի հետ կապված ցանկացած գործարք։ Ռուսական նավթի գնի առաստաղը նույնպես նվազեցվել է 60 դոլարից (ուժի մեջ է մտնում 2022 թվականից) մինչև 47.6 դոլար մեկ բարելի համար։

Սահմանափակումները տարածվել են 23 ռուսական ընկերությունների վրա, այդ թվում՝ «Կոմինտերնի» անվան Նովոսիբիրսկի գործարանի, Կիսահաղորդչային սարքերի գիտահետազոտական ինստիտուտի, Սմոլենսկի ժամանակակից հեռահաղորդակցության տեխնոլոգիաների գիտահետազոտական ինստիտուտի, Մոսկվայի մարզի հատուկ սարքավորումների գործարանի և «Ռուբին» գիտաարտադրական ձեռնարկության վրա։

Արգելվում է նաև Ռուսաստանի ուղղակի ներդրումների հիմնադրամի հետ որևէ գործարք կատարել։

Արտասահմանյան ընկերություններից եվրոպական պատժամիջոցները տարածվել են չինական «Bellatrix Energy»-ի, .Zhu Jiang Shipmanagement»-ի, .ACE Electronic HK»-ի (գրանցված է Հոնկոնգում), «Wuhan Global Sensor Technology»-ի և «Shandong ODES Industry»-ի (Չինաստան), «Intershipping Services Hub Private»-ի և «Nayara Energy»-ի (Հնդկաստան), Մավրիկիոսի «Redbird Corporate Services»-ի և «Sapang Shipping»-ի, ինչպես նաև Սինգապուրի «2Rivers PTE»-ի վրա: Սահմանափակող միջոցներ են կիրառվել նաև Ադրբեջանի և ԱՄԷ-ի ընկերությունների նկատմամբ: