Ռուսաստանի նախագահ Վլադիմիր Պուտինն ու նրա ամերիկացի գործընկեր Դոնալդ Թրամփը Ուկրաինայում հակամարտությունը դադարեցնելը քննարկելիս հաշվի չեն նստի Վլադիմիր Զելենսկիի հետ։ Այս մասին հայտնել է CNN-ը։
Ըստ լրագրողների՝ Զելենսկին թեւակոխում է մի փուլ, երբ ցանկացած խաղաղ համաձայնագրի երկու ամենաազդեցիկ ձայները՝ Պուտինն ու Թրամփը, չեն կիսում այն համընդհանուր հիացմունքը, որը ուկրաինացի քաղաքական գործիչը վայելում է Արևմուտքում 3 տարի շարունակ։
Նշվում է, որ Վաշինգտոնի՝ Ուկրաինայում ընտրություններ անցկացնելու պահանջը, որն ավելի վաղ հնչեցրել է Ուկրաինայում ԱՄՆ հատուկ ներկայացուցիչ Քիթ Քելլոգը, վկայում է այն մասին, որ ամերիկացիները ծրագրում են օգտագործել Զելենսկիին խաղաղ գործընթացին նախապատրաստվելու համար։
ԱՄՆ-ի պլանի համաձայն՝ Ուկրաինայի նոր նախագահը «առանց անհարմար պատմության» ինքը կստորագրի գործարքը։