Ոստիկանները փակել են Աշտարակից Երևան մտնող մայրուղին:
MediaHub-ը հայտնում է, որ այս պահին Աշտարակի խճուղուց Երևան մտնող հատվածը՝ 16-րդ թաղամասի հարևանությամբ, դժվարանցանելի է:
Պատճառն այն է, որ ոստիկանները զննում են Երևան մտնող բոլոր մեքենաները. կանգնեցնում են մեքենաները, բացում բեռնախցիկները, ստուգում վարորդների ինքնությունը։ Այդ իսկ պատճառով ճանապարհի վրա առաջացել են կուտակումներ։
Թե որն է զննության պատճառը, MediaHub-ին ճշտել չհաջողվեց:
Նշենք, որ ոստիկաններն այս հատվածը պարբերաբար են փակում զննումների համար։