Հնդկաստանի՝ Սանտոշ անունով բնակիչը կոբրային սիրելիս, մահացել է նրա խայթոցից։ Այս մասին հայտնում է The Mirror-ը։

Ջարխանդ նահանգի Ջամուա գյուղում օձերի սիրահարը կոբրայի հետ ներկայացում է խաղացել համագյուղացիների համար, անգամ համբուրել օձին։ Վտանգ զգալով՝ օձը հանկարծակի կծել է տղամարդու մատը։

Սանտոշի վիճակը սկսել է արագորեն վատանալ։ Նա հիվանդանոց տեղափոխվելու ճանապարհին մահացել է՝ չհասցնելով բուժօգնություն ստանալ։ Տղամարդու հոր խոսքով` հանգուցյալը միշտ սիրել է թունավոր օձերին։